#ଦିଲ୍ଲୀ_ତଗଲିବ_ଜମାତରେ_ଯୋଗଦେଇଥିବା_ଯାଜପୁରର_୩_ଚିହ୍ନଟ ଯାଜପୁର : ( ବିଶ୍ବଜିତ ରଣା ) ଦିଲ୍ଲୀ ତବଲିଗ ଜମାତ୍ ରେ ଯୋଗ ଦେଇଥିବା ଶ୍ରଦ୍ଧାଳୁଙ୍କ ମଧ୍ୟରୁ ଯାଜପୁର ଜିଲ୍ଲାର ୩ଜଣଙ୍କୁ ପ୍ରଶାସନ ଚିହ୍ନଟ କରିଛି। ଚିହ୍ନଟ ହେଇଥିବା ସମସ୍ତ ବ୍ୟକ୍ତିଙ୍କୁ ସଙ୍ଗରୋଧ ଗୃହରେ ରଖାଯାଇଛି।ଏମାନଙ୍କ ମଧ୍ୟରୁ ଧର୍ମଶାଳା ବ୍ଲକ୍ ନଳୀପୁର ଅଞ୍ଚଳର ଜଣେ ରହିଥିବାବେଳେ ବିଞ୍ଝାରପୁର ବ୍ଲକ୍ ଶାସନ୍ଦା ଗ୍ରାମର ଜଣେ ଏବଂ ଅନ୍ୟ ଜଣେ ରସୁଲପୁର ବ୍ଲକ୍ ବ୍ରହ୍ମବରଦାର ଥିବା ଚିହ୍ନଟ କରଯାଇଛି। ଏହି ୩ଜଣଙ୍କୁ ସଂଗରୋଧ ଗୃହରେ ରଖାଯାଇଛି।
ସେହିପରି ଧର୍ମଶାଳା ଥାନା ଅଧୀନ ନଳୀପୁର ଅଞ୍ଚଳରୁ ଅନ୍ୟଜଣେ ବ୍ୟକ୍ତିଙ୍କୁ ବୁଧବାର ପ୍ରଶାସନ ଉଠାଇ ନେଇଛି। ସ୍ବାସ୍ଥ୍ୟ ପରୀକ୍ଷା ପରେ କ୍ବାରେଣ୍ଟାଇନ୍ରେ ରଖିବା ପାଇଁ ନିଷ୍ପତ୍ତି ନିଆଯାଇଛି। ସେ ହାଇଦ୍ରାବାଦରୁ ଯାଇ ଦିଲ୍ଲୀ ତବଲିଗ ଜମାତ୍ ରେ ଯୋଗ ଦେଇ ଘରକୁ ଫେରିଥିଲେ। ସେ କୌଣସି ପରୀକ୍ଷା କରିନଥିଲେ। ଯାହାକୁ ନେଇ ସ୍ଥାନୀୟ ଅଞ୍ଚଳରେ ତୀବ୍ର ପ୍ରତିକ୍ରିୟା ପ୍ରକାଶ ପରେ ପ୍ରଶାସନ ପକ୍ଷରୁ ପୁଲିସ ସହାୟତାରେ ତାଙ୍କୁ ଡାକ୍ତରଖାନାର ପରୀକ୍ଷା କରାଯାଇଥିଲା। ତାଙ୍କୁ କ୍ବାରେଣ୍ଟାଇନ୍ରେ ରଖାଯାଇଥିବାବେଳେ ପ୍ରଶାସନ କଡ଼ା ନଜର ରଖିଛି ବୋଲି ତହସିଲଦାର ସରୋଜ ପଣ୍ଡା କହିଛନ୍ତି।
ସେହିପରି ରସୁଲପୁର ବ୍ଲକ୍ ବ୍ରହ୍ମବରଦାର ଜଣେ ମୌଲବୀ ଦିଲ୍ଲୀ ତବଲିଗ ଜମାତ୍ ରେ ଯୋଗ ଦେଇ ଫେରିବା ପରେ ନିଜ ଘରେ ଥିଲେ। ଏହା ଜଣାପଡ଼ିବା ପରେ ପ୍ରଶାସନିକ ସ୍ତରରେ ତତ୍ପରତା ପ୍ରକାଶ ପାଇଛି। ଉକ୍ତ ମୌଲବୀ ଜଣକ ପ୍ରଶାସନର ସ୍କାନରରେ ଅଛନ୍ତି। ସଂପୃକ୍ତ ବ୍ୟକ୍ତି ଦେହରେ ସେପରି କିଛି ଲକ୍ଷଣ ଦେଖା ଯାଇନଥିବାରୁ ତାଙ୍କୁ ଘରେ ସଙ୍ଗରୋଧ ହୋଇ ରହିବାକୁ ପ୍ରଶାସନ ପକ୍ଷରୁ ପରାମର୍ଶ ଦିଆଯାଇଛି ।
