#ବାହାର_ରାଜ୍ୟର_ଶତାଧିକ_ଫେରିବାଲା_ଅଟକିଛନ୍ତିି_କେନ୍ଦ୍ରାପଡାରେ କେନ୍ଦ୍ରାପଡା : ବାହାର ରାଜ୍ୟର ଶତାଧିକ ଫେରିବାଲା କେନ୍ଦ୍ରାପଡାରେ ଅଟକି ରହିଥିବା ଜଣା ପଡିଛି । କରୋନା ସଂକ୍ରମଣ ଜନିତ କଟକଣା ଲାଗୁ କରାଯାଇ ଥିବାରୁ ଗମନାଗମନ ଓ ବୁଲି ବୁଲି ଫେରି କରିବା ଉପରେ କଟକଣା ଥିବାରୁ ଏମାନେ ଅନ୍ୟ କୁଅଡେ ଯାଇ ନପାରି କେନ୍ଦ୍ରାପଡା ସହର ସଲଗ୍ନ ରଣପଡା, ଆମବାଡି, ପୋଷ୍ଟ ଅଫିସ ଲେନ, ଜଇପୁରା, ଦିଲାରପୁର ପ୍ରଭୃତି ଅଂଚଳରେ ଅଟକି ରହିଛନ୍ତି । ବିହାର, ପଶ୍ଚିମ ବଙ୍ଗ , ଉତରପ୍ରଦେଶ ପ୍ରଭୃତି ରାଜ୍ୟ ରୁ ଆସି ଦୀର୍ଘ ଦିନ ହେଲା କେନ୍ଦ୍ରାପଡା ଓ ଆଖପାଖ ଅଂଚଳରେ ଗୁପଚୁପ, ନାଲି ଚା, ସାଇକେଲ ରେ ମନୋହାରୀ ବ୍ୟବସାୟ ଓ ସପ, ବେଡସିଟ ପ୍ରଭୃତି ଫେରି କରୁଥିବା ଶତାଧିକ ବ୍ୟକ୍ତି ବ୍ୟବସାୟ କରି ନପାରି ଭୋକ ଉପାସରେ ରହିଛନ୍ତି । ଶନିବାର ଏମାନେ ଜିଲ୍ଲାପାଳଙ୍କୁ ଭେଟି ରାଜ୍ୟକୁ ଫେରିବା ପାଇଁ ଅନୁମତି ଦେବାକୁ ନିବେଦନ କରିଥିଲେ ।
