#ସୁସ୍ଥ_ହେଲେ_୧୨୩_କରୋନା_ଆକ୍ରାନ୍ତ ଭୁବନେଶ୍ୱର : ରାଜ୍ୟର ବିଭିନ୍ନ କୋଭିଡ୍ ହସ୍ପିଟାଲରେ ଚିକିତ୍ସାଧୀନ ଥିବା ୧୨୩ ଜଣ କରୋନା ଆକ୍ରାନ୍ତ ଶୁକ୍ରବାର ସୁସ୍ଥ ହୋଇଛନ୍ତି । ୧୩ ଟି ଜିଲ୍ଲାର ଏହି ଆକ୍ରାନ୍ତ ମାନେ ସୁସ୍ଥ ହେବା ପରେ ହସ୍ପିଟାଲରୁ ଡିସଚାର୍ଜ ହୋଇଛନ୍ତି । ଏଥିସହ ରାଜ୍ୟରେ ମୋଟ ସୁସ୍ଥଙ୍କ ସଂଖ୍ୟା ୧୬୦୪କୁ ବୃଦ୍ଧି ପାଇଛି । ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଏନେଇ ଟୁଇଟ୍ କରି ସୂଚନା ଦିଆଯାଇଛି ।
ସୂଚନା ଅନୁଯାୟୀ ଶୁକ୍ରବାର ଦିନ ସୁସ୍ଥ ହୋଇଥିବା ୧୨୩ ଜଣଙ୍କ ମଧ୍ୟରେ ଗଂଜାମ ଜିଲ୍ଲାର ସର୍ବାଧିକ ୩୫ ଜଣ ରହିଛନ୍ତି । ସେହିପରି କଟକରୁ କଟକରୁ ୨୨ , ନୂଆପଡାରୁ ୧୪ , ବଲାଙ୍ଗୀର ୧୪ , ଖୋର୍ଦ୍ଧା ୧୦ , କନ୍ଧମାଳ ୭,କୋରାପୁଟ ୫ ଓ କେନ୍ଦ୍ରାପଡାରୁ ୪ ଜଣ ରହିଛନ୍ତି । ଏହା ବ୍ୟତୀତ ବାଲେଶ୍ୱର , ଢେଙ୍କାନାଳ ଓ ନୟାଗଡରୁ ୩ ଜଣ ଲେଖାଏଁ ଏବଂ ଅନୁଗୁଳ , ମୟୁରଭଂଜ ଓ ସୁନ୍ଦରଗଡରୁ ଜଣେ ଲେଖାଏଁ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି ।
