ଭୁବନେଶ୍ୱର : କଟକସ୍ଥିତ ଆଚାର୍ଯ୍ୟ ହରିହର ଆଞ୍ଚଳିକ କର୍କଟ କେନ୍ଦ୍ରର ଦ୍ୱିତୀୟ କ୍ୟାମ୍ପସ୍ ଖୁବଶୀଘ୍ର ନିର୍ମାଣ ହେବ। ପରିଚାଳନା ସମିତି ବୈଠକରେ ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ନବ ଦାସ ମଙ୍ଗଳବାର ଏହି ସୂଚନା ଦେଇଛନ୍ତି। ସେ କହିଛନ୍ତି, କର୍କଟ କେନ୍ଦ୍ରର ଶଯ୍ୟା ସଂଖ୍ୟା ୪୨୫ ହେବ ଏବଂ ଏଥିରେ ନୂଆ ଆଇସିୟୁ ରହିବ। ସେହିଭଳି ଡାକ୍ତର ଅଭାବ ପୂରଣ ନେଇ ପଦକ୍ଷେପ ନିଆଯାଇଛି ଏବଂ ଖୁବ୍ ଶୀଘ୍ର ଡାକ୍ତରଙ୍କ ସଂଖ୍ୟା ବୃଦ୍ଧି କରାଯିବ।
ଆଚାର୍ଯ୍ୟ ହରିହର ଆଞ୍ଚଳିକ କର୍କଟ କେନ୍ଦ୍ର ହେଉଛି ଭାରତର ୨୫ଟି ସ୍ୱୀକୃତିପ୍ରାପ୍ତ କ୍ୟାନସର ଚିକିତ୍ସା କେନ୍ଦ୍ର ମଧ୍ୟରୁ ଅନ୍ୟତମ। ଏହି କେନ୍ଦ୍ରକୁ ୧୯୮୧ ମସିହା ଫେବ୍ରୁଆରି ୧ରେ ପ୍ରତିଷ୍ଠା କରାଯାଇଥିଲା। ଆରମ୍ଭରୁ ଏହା ଶ୍ରୀରାମ ଚନ୍ଦ୍ର ଭଞ୍ଜ ମେଡିକାଲ କଲେଜ ଓ ହସ୍ପିଟାଲର ରେଡିଓଥେରାପି ବିଭାଗ ଅଧିନରେ ରଖି ପରିଚାଳନା କରାଯାଉଥିଲା। କିନ୍ତୁ ୧୯୮୪ ମସିହା ଏପ୍ରିଲ ୨୪ ଠାରୁ ଏହାକୁ ସ୍ୱୟଂଶାସିତ କ୍ଷମତା ମିଳିଥିଲା।