ନୂଆଦିଲ୍ଲୀ : ବରଫାବୃତ ତଥା ଦୁର୍ଗମ ସିଆଚେନ ଓ ଲଦାଖରେ ଅତି ପ୍ରତିକୂଳ ଜଳବାୟୁ ମଧ୍ୟରେ ଭାରତୀୟ ସୀମାର ସୁରକ୍ଷା କରୁଥିବା ଯବାନମାନଙ୍କୁ ସର୍ବନିମ୍ନ ସୁରକ୍ଷା ଉପକରଣ ଯୋଗାଇଦେବାକୁ ଅବହେଳା କରାଯାଉଛି । ଏପରିକି ଏହି ଜଳବାୟୁରେ ସେମାନଙ୍କୁ ଆବଶ୍ୟକ କ୍ୟାଲୋରୀଯୁକ୍ତ ଖାଦ୍ୟ ଦିଆଯାଉନାହିଁ । ଯଦ୍ୱାରା ସେମାନଙ୍କ ଶାରିରୀକ ଦକ୍ଷତା ପ୍ରଭାବିତ ହେଉଛି ଓ ସେମାନେ ବିପଦରେ ପଡୁଛନ୍ତି ବୋଲି ଲୋକସଭାରେ ଆଜି ଦାଖଲ ହୋଇଥିବା ସିଏଜି ରିପୋର୍ଟରୁ ଜଣାପଡ଼ିଛି ।
ସିଆଚେନ ପାକିସ୍ତାନ ସୀମାରେ ଥିବାବେଳେ ଲଦାଖ ଚୀନ ସୀମାରେ ଥିବାରୁ ଏହି ଦୁଇଟି କ୍ଷେତ୍ରର ଗୁରୁତ୍ୱ ଅଧିକ ଥିବାରୁ ସେନାର ଆବଶ୍ୟକତା ଉପରେ ଗୁରୁତ୍ୱ ଦେବାକୁ ସିଏଜି ରିପୋର୍ଟରେ ପରାମର୍ଶ ଦିଆଯାଇଛି ।