#ଦେଶରେ_କରୋନା_ସଂକ୍ରମିତଙ୍କ_ସଂଖ୍ୟା_୧ଲକ୍ଷ_ଟପିଲା ନୂଆଦିଲ୍ଲୀ : ଥମୁନି କରୋନା । ସମସ୍ତ ପଦକ୍ଷେପ ସତ୍ତ୍ବେ ଦିନକୁ ଦିନ ନୂଆ ନୂଆ ରେକର୍ଡ କରି ଚାଲିଛି। ମଙ୍ଗଳବାର ସୁଦ୍ଧା ଦେଶରେ କରୋନା ୧ଲକ୍ଷ ଟପିଛି। ମଙ୍ଗଳବାର ସକାଳ ୮ଟା ସୁଦ୍ଧା ସମଗ୍ର ଦେଶରେ ୧ଲକ୍ଷ ୧ ହଜାର ୧୩୯ ଜଣ କରୋନାଭାଇରସ୍ ଦ୍ୱାରା ଆକ୍ରାନ୍ତ ହୋଇଥିବା ସଂପର୍କରେ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି । ଗତ ୨୪ ଘଣ୍ଟାରେ ୪୯୭୦ ନୂଆ ସଂକ୍ରମିତ ଚିହ୍ନଟ ହୋଇଥିବାବେଳେ ୧୩୪ ଜଣଙ୍କ ମୃତ୍ୟୁ ଘଟିଛି। ଏବେ ସୁଦ୍ଧା ୩୯ ହଜାର ୧୭୪ ଜଣ ସୁସ୍ଥ ହୋଇଥିବାବେଳେ ୫୮ ହଜାର ୮୦୨ ଜଣ ଚିକିତ୍ସାଧୀନ ଥିବା କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି। ବର୍ତ୍ତମାନ ସୁଦ୍ଧା ଆକ୍ରାନ୍ତଙ୍କ ମଧ୍ୟରୁ ୩୯୧୭୩ ଜଣ ସୁସ୍ଥ ହୋଇଛନ୍ତି । ସେହିପରି ୩୧୬୩ ଜଣ ଆକ୍ରାନ୍ତଙ୍କର ମୃତ୍ୟୁ ହୋଇଛି । ମୃତକମାନଙ୍କ ମଧ୍ୟରେ ମହାରାଷ୍ଟ୍ରରେ ସର୍ବାଧିକ ୧୨୪୯ ଜଣ ମୃତ୍ୟୁବରଣ କରିଥିବା ବେଳେ ଦ୍ବିତୀୟରେ ଗୁଜରାଟରେ ୬୯୪ ଜଣ ମୃତ୍ୟୁବରଣ କରିଛନ୍ତି।ସେହିପରି ମଧ୍ୟପ୍ରଦେଶରେ ୨୫୨ ଜଣ ମୃତ୍ୟୁବରଣ କରିଥିବା ବେଳେ ଆନ୍ଧ୍ରପ୍ରଦେଶରେ ୫୦ ଜଣ, ଆସାମରେ ୨ ଜଣ, ବିହାରରେ ୯ ଜଣ, ଚଣ୍ଡିଗଡ଼ରେ ୩ ଜଣ, ଦିଲ୍ଲୀରେ ୧୬୮ ଜଣ, , ହରିୟାଣାରେ ୧୪ ଜଣ, ହିମାଚଳ ପ୍ରଦେଶରେ ୩ ଜଣ, ଜମ୍ମୁ ଓ କଶ୍ମୀରରେ ୧୫ ଜଣ, ଝାଡ଼ଖଣ୍ଡରେ ୩ ଜଣ, କର୍ଣ୍ଣାଟକରେ ୩୭ ଜଣ, କେରଳରେ ୪ ଜଣ, ମେଘାଳୟରେ ୧ ଜଣ, ଓଡ଼ିଶାରେ ୪ ଜଣ, ପୁଦ୍ଦୁଚେରୀରେ ୧ଜଣ, ପଞ୍ଜାବରେ ୩୭ ଜଣ, ରାଜସ୍ଥାନରେ ୧୩୮ ଜଣ, ତାମିଲନାଡୁରେ ୮୧ ଜଣ, ତେଲେଙ୍ଗାନାରେ ୩୫ ଜଣ, ଉତ୍ତରାଖଣ୍ଡରେ ୧ ଜଣ, ଉତ୍ତରପ୍ରଦେଶରେ ୧୧୮ ଜଣ ଏବଂ ପଶ୍ଚିମବଙ୍ଗରେ ୨୪୪ ଜଣ ।