- ଜଗତସିଂହପୁର: (ମହେଶ୍ବର ତ୍ରିପାଠୀ ) ପ୍ରସିଦ୍ଧ ଗୋରେଖନାଥ ମନ୍ଦିରକୁ ଦର୍ଶନ ପାଇଁ ଆସି ନିଖୋଜ ହୋଇଯାଇଥିବା ୨ ବର୍ଷର ଶିଶୁକନ୍ୟାକୁ ଉଦ୍ଧାର କରିଛି ଚାଇଲ୍ଡଲାଇନ୍। ଉଦ୍ଧାର ହୋଇଥିବା ଶିଶୁକୁ ଏକ ଆଶ୍ରମରେ ଛଡ଼ା ଯାଇଥିବା ସୂଚନା ମିଳିଛି।
ସୂଚନା ଅନୁସାରେ ପବିତ୍ର ମକର ସଂକ୍ରାନ୍ତି ପାଇଁ ଗୋରେଖନାଥ ମନ୍ଦିରରେ ଭକ୍ତ ଓ ଶ୍ରଦ୍ଧାଳୁମାନଙ୍କର ପ୍ରବଳ ଭିଡ଼ ପରିଲକ୍ଷିତ ହୋଇଥିଲା। ଭିଡ଼ ଭିତରେ ୨ ବର୍ଷର ଶିଶୁ ହଜି ଯାଇଥିଲା। ଶିଶୁଟି ପରିବାର ଲୋକଙ୍କ ଠାରୁ କିପରି ଅଲଗା ହୋଇଯାଇଥିଲା, ତାହା କେହି କହିପାରୁ ନାହାନ୍ତି।
ସୂଚନାଯୋଗ୍ୟ ମକର ସଂକ୍ରାନ୍ତି ଅବସରରେ ଗୋରେଖନାଥ ପୀଠରେ ପ୍ରବଳ ଶ୍ରଦ୍ଧାଳୁଙ୍କର ଭିଡ଼ ପରିଲକ୍ଷିତ ହୋଇଥିଲା। ପ୍ରାୟ ୨୦ ହଜାର ଶ୍ରଦ୍ଧାଳୁ ମନ୍ଦିରକୁ ଆସିଥିଲେ।