#୧୦_ବର୍ଷ_ହେଲା_ଶିକୁଳୀରେ_ବନ୍ଧା_ହୋଇଛନ୍ତି_ଯୁବକ କେନ୍ଦ୍ରାପଡା : (ମହମ୍ମଦ ଏଲିୟାସ) ଜଣେ ୨୮ ବର୍ଷ ବୟସ୍କ ଯୁବକ ମାନସିକ ଭିନ୍ନକ୍ଷମ ହୋଇ ଥିବାରୁ ୧୦ ବର୍ଷ ହେଲା ତାଙ୍କୁ ହାତକଡି ପକାଇ ଘର ଭିତରେ ବାନ୍ଧି ରଖା ଯାଇଥିବା ଖବର ମିଳିଛି । ଆଳି ପତ୍ରପୁର ଅଞ୍ଚଳର ଚିରଞ୍ଜିବି ସୁତାରଙ୍କ ପୁଅ ଅମର କୁମାର ସୁତାର (୨୮) ଦୀର୍ଘ ଦିନ ହେଲା ମାନସିକ ବିକୃତି ରୋଗରେ ଅକ୍ରାନ୍ତ ହୋଇଛନ୍ତି ।
ବୁଧବାର ତାଙ୍କୁ ଚିକିତ୍ସା ପାଇଁ କେନ୍ଦ୍ରାପଡା ମୁଖ୍ୟ ଚିକିତ୍ସାଳୟକୁ ଅଣାଯାଇ ଥିବାବେଳେ ଏଠାରେ ମାନସିକ ରୋଗର ଚିକିତ୍ସା ସୁବିଧା ନଥିବାରୁ କଟକ ବଡ ଡାକ୍ତରଖାନାକୁ ନେବାପାଇଁ ପରାମର୍ଶ ଦିଆଯାଇଛି । ବେଳେ ବେଳେ ତାଙ୍କ ମାନସିକ ଅବସ୍ଥା ଭଲହେଲେ ତାଙ୍କୁ ଶିକୁଳୀରୁ ଖୋଲି ଦିଆଯାଏ । ପରିବାର ଅବସ୍ଥା ସ୍ୱଚ୍ଛଳ ନଥିବାରୁ ଚିରଞ୍ଜିବୀ ପୁଅର ଚିକିତ୍ସା କରି ପାରୁ ନାହାନ୍ତି । ସରକାରଙ୍କ ତରଫରୁ ତାଙ୍କୁ ଆର୍ଥିକ ସହାୟତା ଯୋଗାଇ ଦେବାପାଇଁ ଦାବି ହେଉଛି ।
