ବ୍ରହ୍ମପୁର: ଗଞ୍ଜାମ ଜିଲ୍ଲାର ରଙ୍ଗେଇଲୁଣ୍ଡା ବ୍ଲକ୍ ମେଣ୍ଢାରାଜପୁର ଡଙ୍କଲପାଡୁ ଗ୍ରାମ୍ୟ ରାସ୍ତାରେ ୧୧କେଭି ବିଦ୍ୟୁତ ତାର ଲାଗି ୧୦ ଜଣଙ୍କ ପ୍ରାଣହାନି ଘଟଣାରେ ବସ ଡ୍ରାଇଭରକୁ ଗିରଫ କରାଯାଇଛି | ବସ ଡ୍ରାଇଭରର ନାମ ଗୋଲକ ବିହାରୀ ନାୟକ ହୋଇଥିବାବେଳେ ସେ ହିଁ ସୀଲକ ସିଟି ବସ ଚଳାଉଥିବାର ଜଣାପଡିଛି | ଗୋଳନ୍ଥରା ପୁଲିସ ଡ୍ରାଇଭରକୁ ଗିରଫ କରି କୋର୍ଟ ଚାଲାଣ କରିଛି | ଏଠାରେ ସୂଚନା ଥାଉ କି ରବିବାର ଅପରାହ୍ଣରେ ନିର୍ବନ୍ଧ ପାଇଁ ବନ୍ଧୁବାନ୍ଧବଙ୍କୁ ନେଇ ସୀଲକ ସିଟି ବସରେ କନ୍ୟାଘରକୁ ଯାଉଥିଲେ ବରପକ୍ଷର ପରିବାର।
୮ଜଣଙ୍କ ଅବସ୍ଥା ସଂକଟାପନ୍ନ ଥିବାରୁ ସେମାନଙ୍କୁ ଅଧିକ ଚିକିତ୍ସା ପାଇଁ କଟକ ଏସ୍ସିବିକୁ ସ୍ଥାନାନ୍ତର କରାଯାଇଥିଲା। ଏହି ଘଟଣାରେ ସାଉଥ୍କୋ ଯନ୍ତ୍ରୀ ଦେବାଶିଷ ନାୟକ, ଉପଖଣ୍ଡସ୍ତରୀୟ ଅଧିକାରୀ ବିଶ୍ବରଂଜନ ମହାପାତ୍ରଙ୍କ ସହ ଗ୍ରାମ୍ୟ ଉନ୍ନୟନ ବିଭାଗର କନିଷ୍ଠ ଯନ୍ତ୍ରୀ ଓ ଉପଖଣ୍ଡସ୍ତରୀୟ ଅଧିକାରୀଙ୍କୁ ରାଜ୍ୟ ସରକାର ନିଲମ୍ବନ କରିଥିଲେ |