ରେଳମନ୍ତ୍ରୀଙ୍କୁ ସମାଜବାଦୀ ପାର୍ଟିର ଚିଠି, ଭୁବନେଶ୍ୱରରୁ ପାରାଦୀପ, ବାରିପଦା, କେନ୍ଦୁଝର ଓ ରାଉରକେଲାକୁ ରେଳ ଚଳାଇବା ପାଇଁ ଦାବି

ରେଳମନ୍ତ୍ରୀଙ୍କୁ ସମାଜବାଦୀ ପାର୍ଟିର ଚିଠି, ଭୁବନେଶ୍ୱରରୁ ପାରାଦୀପ, ବାରିପଦା, କେନ୍ଦୁଝର ଓ ରାଉରକେଲାକୁ ରେଳ ଚଳାଇବା ପାଇଁ ଦାବି

ଓଡିଶା ମହାନଗର

#ରେଳମନ୍ତ୍ରୀଙ୍କୁ_ସମାଜବାଦୀ_ପାର୍ଟିର_ଚିଠି      ଭୁବନେଶ୍ୱର  :  ଆସନ୍ତା ୮ ତାରିଖରୁ ରେଳବାଈ ପକ୍ଷରୁ ଓଡ଼ିଶାର ବିଭିନ୍ନ ସହରକୁ ପାଂଚ ଯୋଡ଼ା ଟ୍ରେନ୍ ଚଳାଇବା ପାଇଁ ନିଷ୍ପତି ଗ୍ରହଣ କରାଯାଇଛି । କେବଳ ଯେଉଁ ଯାତ୍ରୀମାନଙ୍କର ସଂରକ୍ଷିତ ଟିକେଟ୍ ଥିବ ସେହିମାନେ ହିଁ ଏହିସବୁ ଟ୍ରେନ୍ରେ ଯାତ୍ରା କରିପାରିବେ । ସେଥିମଧ୍ୟରୁ ଭୁବନେଶ୍ୱର-ବଲାଙ୍ଗୀର, ଭୁବନେଶ୍ୱର- କୋରାପୁଟ- ଭାୟା- ରାୟଗଡ଼ା ଓ ଅନୁଗୋଳ, ଭୁବନେଶ୍ୱର-ବ୍ରହ୍ମପୁର ଏବଂ ଭୁବନେଶ୍ୱର-ଭଦ୍ରକ ପ୍ରଭୃତି ଟ୍ରେନ୍ ଅନ୍ତର୍ଭୁକ୍ତ । ରାଜ୍ୟବାସୀଙ୍କର ସୁବିଧା ଦୃଷ୍ଟିରୁ (୧) ଭୁବନେଶ୍ୱର-ପାରାଦ୍ୱୀପ (୨) ଭୁବନେଶ୍ୱର-ବାରିପଦା (୩) ଭୁବନେଶ୍ୱର-କେନ୍ଦୁଝର (୪) ଭୁବନେଶ୍ୱର-ରାଉରକେଲା ରେଳ ଚଳାଚଳ କରିବା ପାଇଁ ସମାଜବାଦୀ ପାର୍ଟି ଦାବି କରିଛି । ପାର୍ଟିର ରାଜ୍ୟ ସଭାପତି ରବି ବେହେରା ଏହି ଦାବିକୁ ନେଇ କେନ୍ଦ୍ର ରେଳମନ୍ତ୍ରୀ ପିୟୁଷ ଗୋଏଲଙ୍କୁ ଏକ ଚିଠି ଲେଖିବା ସହିତ ଏହି ଚିଠିର ଏକକିତା ନକଲ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ର ପେଟ୍ରୋଲିୟମ ଓ ଇସ୍ପାତମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ପ୍ରଦାନ କରି ତାଙ୍କର ହସ୍ତକ୍ଷେପ ଦାବି କରିଛନ୍ତି । ଏହାଫଳରେ ରାଜ୍ୟର ସାଧାରଣ ଲୋକଙ୍କ ଭିତରେ ଯିବାଆସିବା ସୁଗମ ହୋଇପାରିବ ବୋଲି ସେ ଆଶାପ୍ରକାଶ କରିଛନ୍ତି ।