#ଭବାନୀପାଟଣାରେ_ଡିଜପିଙ୍କ_ମାଓ_ସମୀକ୍ଷା_ବୈଠକ ଭବାନୀପାଟଣା: ଓଡ଼ିଶା ପୁଲିସ ମହାନିର୍ଦ୍ଦେଶକ (ଡିଜିପି) ଅଭୟ କୁମାର ଆଜି କଳାହାଣ୍ଡି ଦିନିକିଆ ଗସ୍ତ କରି ଭବାନୀପାଟଣାରେ ମାଓ ସମୀକ୍ଷା କରିଛନ୍ତି। ଭବାନୀପାଟଣା ରିଜର୍ଭ ପୁଲିସ କାର୍ଯ୍ୟାଳୟରେ ଅନୁଷ୍ଠିତ ଏକ ସମୀକ୍ଷା ବୈଠକରେ ଅଧ୍ୟକ୍ଷତା କରି ସେ କଳାହାଣ୍ଡି, କନ୍ଧମାଳ ଓ ରାୟଗଡ଼ାରେ କିଭଳି ମାଓଦମନ କରାଯାଇପାରିବ ସେ ନେଇ ବରିଷ୍ଠ ପୁଲିସ ଅଧିକାରୀମାନଙ୍କୁ ପରାମର୍ଶ ଦେଇଥିବା ଜଣାଯାଇଛି। ମାଓ ଦମନ ପାଇଁ କ’ଣ ସବୁ ଆବଶ୍ୟକ ଏବଂ କେଉଁ ପଦ୍ଧତିରେ ଏହି ଜିଲ୍ଲାଗୁଡ଼ିକରୁ ମାଓ ଗତିବିଧି ଦୂର କରାଯାଇପାରିବ ସମୀକ୍ଷା ବୈଠକରେ ସେ ଆଲୋଚନା କରିଛନ୍ତି।
ବିଶେଷକରି ବିଭିନ୍ନ ମାମଲାରେ ତଦନ୍ତକୁ କେମିତି ଅଧିକ ଶାଣିତ କରାଯାଇ ପାରିବ ଓ ଅପରାଧ ନିୟନ୍ତ୍ରଣ ହୋଇ ପାରିବ ସେ ଦିଗରେ ଗୁରୁତ୍ୱାରୋପ କରିଥିଲେ। ଜିଲ୍ଲାରେ ମାଓ କାର୍ଯ୍ୟକଳାପ କମିଥିଲାବେଳେ ମାଓ ଗତିବିଧି ନେଇ ମଧ୍ୟ ଆଲୋଚନା କରାଯାଇଥିଲା। ପୁଲିସ ପାଖରେ ଥିବା ମାନବ ସମ୍ବଳର ଉପଯୁକ୍ତ ବିନିଯୋଗ କରି ଲୋକମାନଙ୍କୁ ସୁରକ୍ଷା ଦେବାକୁ ପୁଲିସ ଡିଜି ପରାମର୍ଶ ଦେଇଥିଲେ।
