#ସହର_ବିଶୁଦ୍ଧିକରଣ_ପ୍ରକ୍ରିୟା ବ୍ରହ୍ମପୁର : ଲକ୍ ଡାଉନ୍ ପାଳନ କରି ମହାମାରୀ କରୋନା ଭୁତାଣୁ ସଂକ୍ରମଣରୁ ଜନସାଧାରଙ୍କୁ ସୁରକ୍ଷିତ କରିବା ପାଇଁ ରାଜ୍ୟ ସରକାର,ପ୍ରଶାସନ ଓ ପୋଲିସ ପକ୍ଷରୁ ସଚେତନତାମୂଳକ ପଦକ୍ଷେପ ଗ୍ରହଣ କରାଯାଉଛି । ଏହି ପରିପ୍ରେକ୍ଷୀରେ ଜିଲ୍ଲାସ୍ତରରେ ବ୍ରହ୍ମପୁର ବିଇଏମସି କମିଶନର ଚକ୍ରବର୍ତ୍ତି ସିଂ ରାଠୋଡ଼ଙ୍କ ନେତୃତ୍ୱରେ ସହରର ଜନଗହଳିପୂର୍ଣ୍ଣ ସ୍ଥାନ ଯଥା ପରିବା ବଜାର,ଗ୍ରୋସେରୀ ବଜାର ଇତ୍ୟାଦି ବ୍ୟବସାୟୀକ ସ୍ଥଳ, ରାସ୍ତାଘାଟ, ଚିକିତ୍ସାଳୟ ଓ ଅତ୍ୟାବଶ୍ୟକୀୟ ସ୍ଥଳକୁ ସୋଡିୟମ୍ ହାଇଡ୍ରୋ କ୍ଲୋରାଇଡ୍ ବ୍ୟବହାର କରାଯାଇ ବିଶୁଦ୍ଧ କରିବା ପାଇଁ ଯୋଜନା ଆରମ୍ଭ କରାଯାଇଛି । ଆଜି ପ୍ରଥମ ପର୍ଯ୍ୟାୟରେ ଅଗ୍ନିଶମ ବାହିନୀ ଏବଂ ଅଗ୍ନିଶମ ବିଭାଗର ୨ଟି ଗାଡି ସହାୟତାରେ ସିଟି ହସ୍ପିଟାଲ ଓ ବଡ ମେଡିକାଲ୍କୁ ବିଶୁଦ୍ଧିକରଣ କରାଯାଇଛି । ଅଗ୍ନିଶମ ବିଭାଗର ସହକାରୀ ଅଗ୍ନିଶମ ଅଧିକାରୀ ସନାତନ ମହାପାତ୍ର ଏହି ବିଶୋଧନ କାର୍ଯ୍ୟକ୍ରମର ନେତୃତ୍ୱ ନେଉଛନ୍ତି । ସହକାରୀ ଅଗ୍ନିଶମ ଅଧିକାରୀ ମହାପାତ୍ରଙ୍କ ସୂଚନା ଅନୁଯାୟୀ,୧୦୦ଲିଟର ପାଣିରେ ଗୋଟିଏ ଲିଟର ସୋଡିୟମ୍ ହାଇଡ୍ରୋ କ୍ଲୋରାଇଡ୍ କେମିକାଲ୍ ମିଶାଇ ବିଶୋଧନ କରାଯାଉଛି । ଏହି କେମିକାଲ୍ ଗଞ୍ଜାମସ୍ଥିତ ଗ୍ରାସୀମ ଇଣ୍ଡଷ୍ଟ୍ରିରୁ ୧୫୦ଲିଟର ଅଣାଯାଇଛି । ଆସନ୍ତା ଦିନରେ ଅଗ୍ନିଶମ ବିଭାଗର ଅଧିକ ଗାଡି ଓ କର୍ମଚାରୀ ଏହି କାର୍ଯ୍ୟକ୍ରମରେ ବିନିଯୋଗ କରାଯିବ ।
