ମୁମ୍ବାଇ : ମହାରାଷ୍ଟ୍ରରେ ଅନୁଷ୍ଠିତ ହୋଇଥିବା ମହାରାଷ୍ଟ୍ର ଜିଲ୍ଲା ପରିଷଦ ନିର୍ବାଚନରେ ବିଜେପିକୁ ପୁଣି ଲାଗିଛି ଏକ ଶକ୍ତ ଝଟକା। ତେବେ, ଏହି ଝଟକାକୁ କୌଣସି ପ୍ରକାରେ ସହ୍ୟ କରିନେବା ପାଇଁ ବିଜେପି ବଳ ଯୋଗାଡ଼ କରୁଥିବା ବେଳେ; ନିଜକୁ ବିଜେପିର ତ୍ରାଣକର୍ତ୍ତା ରୂପେ ଦାବୀ କରି ଆସୁଥିବା ରାଷ୍ଟ୍ରୀୟ ସ୍ୱୟଂ ସେବକ ସଂଘ (ଆରଏସ୍ଏସ୍) କିନ୍ତୁ ସଂପୂର୍ଣ୍ଣ ରୂପେ ଦୋହଲି ଯାଇ ଧରାଶାୟୀ ହୋଇପଡ଼ିଛି। କାରଣ, ଏହି ଜିଲ୍ଲା ପରିଷଦ ନିର୍ବାଚନରେ ଆର୍ଏସ୍ଏସ୍ର ମୁଖ୍ୟାଳୟ ଥିବା ନାଗପୁରରେ ବିଜେପିର ସତ୍ତା ସଂପୂର୍ଣ୍ଣ ଭାବେ ଲୋପ ପାଇଯାଇଛି। ଅଲଗା ଅଲଗା ଭାବେ ନିର୍ବାଚନ ଲଢ଼ିବା ସତ୍ତ୍ୱେ ଶିବସେନା, ଏନ୍ସିପି ଓ କଂଗ୍ରେସ ଅଧିକାଂଶ ଆସନରେ ବିଜୟ ଲାଭ କରିବା ସହ ବିଜେପିକୁ କରି ଦେଇଛନ୍ତି ସଂପୂର୍ଣ୍ଣ ଭାବେ କିସ୍ତିମାତ୍। ନାଗପୁରରେ ବିଜେପିର ପରାଜୟ ନେଇ ଏବେ କି ଉତ୍ତର ରଖିବ, ସେ ଚିନ୍ତାରେ ଚିନ୍ତିତ ଅଛି ଆରଏସ୍ଏସ୍ ।