#ଶପଥ_ନେଲେ_ଶିବରାଜ ଭୋପାଳ : ଆଜି ରାତି ୯ଟାରେ ବିଜେପିର ଶିବରାଜ ସିଂହ ଚୌହାନ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି। ରାଜଭବନଠାରେ ରାଜ୍ୟପାଳ ଲାଲଜୀ ଟଣ୍ଡନ୍ ତାଙ୍କୁ ପଦ ଓ ଗୋପନୀୟତାର ଶପଥ କରାଇଛନ୍ତି। ଆଜି ସନ୍ଧ୍ୟାରେ ସେ ଶପଥ ନେବେ ବୋଲି ପୂର୍ବରୁ କୁହାଯାଉଥିଲା। ମଧ୍ୟପ୍ରଦେଶରେ କଂଗ୍ରେସ ସରକାର ସଂଖ୍ୟା ଗରିଷ୍ଠତା ହରାଇବା ପରେ ବିଜେପି ପାଇଁ ସରକାର ଗଠନର ସୁଯୋଗ ଉପୁଜିଛି।
ଏହି ବୈଠକ ପରେ ମଧ୍ୟପ୍ରଦେଶ ବିଜେପି ଉପସଭାପତି ବିଷ୍ଣୁଦତ୍ତ ଶର୍ମା କହିଥିଲେ, ରାତି ୯ଟାରେ ନିରାଡ଼ମ୍ବର ଭାବେ କେବଳ ଶିବରାଜ ଶପଥ ନେବେ। କରୋନା କାରଣରୁ ସ୍ୱାସ୍ଥ୍ୟ ସମ୍ବନ୍ଧିତ ସମସ୍ତ ପ୍ରଟୋକଲ୍ ପାଳନ କରାଯିବ। ବାକି ସବୁ କାମ ପରେ ହେବ। ଏବେ କୋଭିଡ୍-୧୯ ଲଢ଼େଇର ସମୟବିଜେପିର ପୂର୍ବ ସରକାରରେ ମଧ୍ୟ ମୁଖ୍ୟମନ୍ତ୍ରୀ ଥିବା ଶିବରାଜ ଚତୁର୍ଥ ଥର ପାଇଁ ଏହି ପଦରେ ଶପଥ ନେଇଛନ୍ତି। ଏହା ପୂର୍ବରୁ ମଧ୍ୟପ୍ରଦେଶ ବିଧାନସଭାରେ ଆସ୍ଥା ଭୋଟ୍ ହେବାର ଥିଲା। କିନ୍ତୁ ଠିକ୍ ଏହା ପୂର୍ବରୁ ହିଁ କମଲ ନାଥ ଇସ୍ତଫା ଦେଇ ଦେଇଥିଲେ।
କଂଗ୍ରେସର ବରିଷ୍ଠ ନେତା ତଥା ମଧ୍ୟପ୍ରଦେଶ କଂଗ୍ରେସର ପୋଷ୍ଟର ବୟ ଥିବା ଜ୍ୟୋତିରାଦିତ୍ୟ ସିନ୍ଧିଆ ବିଦ୍ରୋହ କରିବା ପରେ ଏଠାକାର ସ୍ଥିତି ଓଲଟି ଯାଇଥିଲା। ସିନ୍ଧିଆ ୧୮ ବର୍ଷରେ ଦଳ ଛାଡ଼ି ବିଜେପିରେ ଯୋଗ ଦେଇଥିଲେ। ତାଙ୍କ ପରେ ୨୨ ଜଣ ବିଧାୟକ ମଧ୍ୟ କଂଗ୍ରେସ ଛାଡ଼ି ବିଜେପିରେ ଯୋଗ ଦେଇଛନ୍ତି।କଂଗ୍ରେସ ଏହି ବିଧାୟକମାନଙ୍କୁ ବୁଝାଇବାକୁ ଉଦ୍ୟମ କରିଥିଲା। ଏପରିକି ସୁପ୍ରିମକୋର୍ଟ ଯାଏ ମଧ୍ୟ କଥା ଯାଇଥିଲା। କିନ୍ତୁ ସୁପ୍ରିମକୋର୍ଟ ଫ୍ଲୋର ଟେଷ୍ଟ ପାଇଁ ଗତ ସପ୍ତାହର ଗୁରୁବାର ଯାଏ ମହଲତ ଦେବା ପରେ ଏଥିରେ ଭିନ୍ନ ମୋଡ଼ ଆସିଥିଲା। ଶେଷରେ କମଲ ନାଥଙ୍କ ସରକାର ଭାଙ୍ଗିବା ସହ ବିଜେପି ପାଇଁ ସୁଯୋଗ ସୃଷ୍ଟି ହୋଇଥିଲା।