ମୁମ୍ବାଇ: ଗତ ଦୁଇ ବର୍ଷ ମଧ୍ୟରେ ବଲିଉଡର ଅନେକ କଳାକାର ବିବାହ ବନ୍ଧନରେ ବାନ୍ଧି ହୋଇ ଯାଇଛନ୍ତି। କିଏ ପ୍ରେମ ବିବାହ କରିଛି ତ କିଏ ନିଜ ପରିବାର ଇଚ୍ଛାରେ ବିବାହ କରିଛନ୍ତି। ଏହି କ୍ରମରେ ଦୀପିକା-ରଣବୀର, ଅନୁଷ୍କା-ବିରାଟ, ପ୍ରିୟଙ୍କା-ନିକ୍ ଭଳି ଯୋଡ଼ି ବଲିଉଡକୁ ମିଳିଥିବା ବେଳେ ଏବେ ଆଉ ଜଣେ ବଲିଉଡ୍ ଅଭିନେତା ବିବାହ ବନ୍ଧନରେ ବାନ୍ଧି ହେବାକୁ ଯାଉଥିବା ଜଣା ପଡ଼ିଛି। ‘ଆଶିକି-୨’ ପରେ ଲୋକପ୍ରିୟ ହୋଇଥିବା ଅଭିନେତା ଆଦିତ୍ୟ ରଏ କପୁର ଖୁବ୍ ଶୀଘ୍ର ନିଜର ପ୍ରେମିକା ଦୀବା ଧୱନଙ୍କୁ ବିବାହ କରିବେ ବୋଲି ଚର୍ଚ୍ଚା ଜୋର ଧରିଛି।