#ଏଲଇଡି_ବୋର୍ଡରେ_ପ୍ରଦର୍ଶିତ_ହେବ_ଶଯ୍ୟାର_ଉପଲବ୍ଧତା ନୂଆଦିଲ୍ଲୀ : ଦିଲ୍ଲୀର ସମସ୍ତ ପ୍ରମୁଖ ଡାକ୍ତରଖାନା, କ୍ଲିନିକ୍ ଏବଂ ନର୍ସିଂହୋମରେ କେତେ ଶଯ୍ୟା ଉପଲବ୍ଧ ଅଛି ସେସମ୍ପର୍କରେ ଏଲଇଡି ବୋର୍ଡରେ ପ୍ରଦର୍ଶିତ କରିବାକୁ ଲେଫ୍ଟନାଂଟ୍ ଗଭର୍ଣ୍ଣର୍ ଅନୀଲ ବୈଜଲ୍ ନିର୍ଦ୍ଦେଶ ଦେଇଛନ୍ତି । ଚିକିତ୍ସା ପାଇଁ ଆସୁଥିବା ଅନେକ କରୋନା ରୋଗୀଙ୍କୁ ଡାକ୍ତରଖାନାରେ ଶଯ୍ୟା ନ ମିଳିବା ଏବଂ ପରେ ସେମାନଙ୍କ ମୃତ୍ୟୁ ହେବା ଖବର ସାମ୍ନାକୁ ଆସିବା ପରେ ସେ ଏଭଳି କଡା ନିଷ୍ପତି ନେଇଛନ୍ତି ।
ଏହା ସହ ଏଲଇଡି ବୋର୍ଡରେ ପ୍ରଦର୍ଶିତ ହେଉଥିବା ତଥ୍ୟ ସରକାରୀ ପୋର୍ଟାଲରେ ଥିବା ତଥ୍ୟ ସହିତ ମିଶୁଛି କି ନାହିଁ ତାହା ନିଶ୍ଚିତ କରିବାକୁ ରାଜ୍ୟ ସ୍ୱାସ୍ଥ୍ୟ ବିଭାଗକୁ ପରାମର୍ଶ ଦିଆଯାଇଛି । ଡାକ୍ତରଖାନାକୁ ଚିକିତ୍ସା ପାଇଁ ଆସୁଥିବା ରୋଗୀଙ୍କ ଚିକିତ୍ସା ନ କରି ଫେରାଇଦିଆଯାଇଥିବା ଜଣା ପଡିଲେ ଡାକ୍ତରଖାନା ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସ୍ପଷ୍ଟ କରିଛନ୍ତି ଲେଫ୍ଟନାଣ୍ଟ୍ ଗଭର୍ଣ୍ଣର୍ ଅନିଲ ବୈଜଲ୍ ।
