ନୂଆଦିଲ୍ଲୀ: ଭାରତୀୟ ଜନତା ପାର୍ଟି (ବିଜେପି)ର ନୂତନ ରାଷ୍ଟ୍ରୀୟ ଅଧ୍ୟକ୍ଷ ରୂପେ ଦଳର ଅନ୍ୟତମ ବରିଷ୍ଠ ନେତା ଜଗତ ପ୍ରସାଦ ନଡ୍ଡା ଆଜି (ସୋମବାର) ନିର୍ଦ୍ୱନ୍ଦ୍ୱରେ ସର୍ବସମ୍ମତ୍ତି କ୍ରମେ ନିର୍ବାଚିତ ହୋଇଛନ୍ତି। ଦଳ ମଧ୍ୟରେ ଜେପି ନଡ୍ଡା ନାମରେ ଖ୍ୟାତ ଏହି ବରିଷ୍ଠ ନେତା ପୂର୍ବରୁ ଦଳର କାର୍ଯ୍ୟକାରୀ ସଭାପତି ଭାବେ କାର୍ଯ୍ୟ କରୁଥିଲେ ଏବଂ ଦଳର ଜଣେ ନିରବ ନୀତି ନିର୍ଦ୍ଧାରକ ଭାବେ ଦଳ ମଧ୍ୟରେ ତାଙ୍କର ଯଥେଷ୍ଟ ଖ୍ୟାତି ଓ ସୁନାମ ରହିଥିଲା। ଦଳର ନୂତନ ରାଷ୍ଟ୍ରୀୟ ଅଧ୍ୟକ୍ଷ ରୂପେ ଜଗତ ପ୍ରସାଦ ନଡ୍ଡାଙ୍କ ନାମକୁ ବିଦାୟୀ ଅଧ୍ୟକ୍ଷ ଅମିତ ଶାହାଙ୍କ ସମେତ ଦଳର ବରିଷ୍ଠ ନେତା ରାଜନାଥ ସିଂହ ଓ ନତୀନ ଗଡ଼କରୀ ପ୍ରସ୍ତାବ କରିବା ପରେ ଶ୍ରୀ ନଡ୍ଡାଙ୍କୁ ନିର୍ଦ୍ୱନ୍ଦ୍ୱରେ ସର୍ବସମତ୍ତି କ୍ରମେ ଦଳର ନୂତନ ଅଧ୍ୟକ୍ଷ ଭାବେ ମନୋନୀତ କରାଯାଇଥିଲା।
