କରୋନା ଭାଇରସ ଦ୍ୱାରା ବିଶ୍ୱ ଅର୍ଥନୀତି ପ୍ରଭାବିତ ହେବ

କରୋନା ଭାଇରସ ଦ୍ୱାରା ବିଶ୍ୱ ଅର୍ଥନୀତି ପ୍ରଭାବିତ ହେବ

ଦେଶ -ବିଦେଶ ବଡ ଖବର ବାଣିଜ୍ୟ

#କରୋନା_ଭାଇରସ_ଦ୍ୱାରା_ବିଶ୍ୱ_ଅର୍ଥନୀତି_ପ୍ରଭାବିତ_ହେବ  ନୂଆଦିଲ୍ଲୀ : ଚୀନକୁ କବଳିତ କରିଥିବା କରୋନା ଭାଇରସ ଭୁତାଣୁ ସଂକ୍ରମଣ ଦ୍ୱାରା ସମଗ୍ର ବିଶ୍ୱର ଅର୍ଥନୀତି ପ୍ରଭାବିତ ହେବା ଆଶଙ୍କା ଦେଖାଦେଇଛି । ଚୀନ ବିଶ୍ୱର ୨ୟ ବୃହତ୍ତମ ଅର୍ଥନୀତି ଓ ପ୍ରମୁଖ ଉତ୍ପାଦନ ହବ୍‌ ହୋଇଥିବାରୁ ଚୀନ ପ୍ରଭାବିତ ହେଲେ ସମଗ୍ର ବିଶ୍ୱ ଅର୍ଥନୀତି ଉପରେ ବିପଦର କଳାବାଦଲ ମାଡ଼ିଆସିବ ।

ଭାରତୀୟ ରିଜର୍ଭ ବ୍ୟାଙ୍କର ଗଭର୍ଣ୍ଣର ଶକ୍ତିକାନ୍ତ ଦାସ କହିଛନ୍ତି ଯେ କରୋନା ଭାଇରସ ଦ୍ୱାରା ବିଶ୍ୱର ଅର୍ଥନୀତି ପ୍ରଭାବିତ ହେବ । କିନ୍ତୁ ଭାରତ ଉପରେ ଏହାର ସୀମିତ ପ୍ରଭାବ ପଡ଼ିବ । ଭାରତର ଫାର୍ମାସୁଟିକାଲ୍ସ ଓ ଇଲେକ୍ଟ୍ରୋନିକ୍ସ ଶିଳ୍ପ ଚୀନ ଉପରେ ନିର୍ଭରଶୀଳ । ଏଣୁ ସେମାନେ ପ୍ରଭାବିତ ହେବାର ଆଶଙ୍କା ସର୍ବାଧିକ । ଅବଶ୍ୟ ବୃହତ୍‌ ଫାର୍ମା କମ୍ପାନିମାନେ ୩-୪ ମାସ ପାଇଁ ଷ୍ଟକ ରଖୁଥିବାରୁ ସେମାନେ ପ୍ରଭାବିତ ହେବାର ସମ୍ଭାବନା କମ ବୋଲି ସେ କହିଛନ୍ତି ।

ତେବେ ସେ କହିଛନ୍ତି ଯେ ପ୍ରତ୍ୟେକ ଦେଶର ସରକାର ଓ କେନ୍ଦ୍ରୀୟ ବ୍ୟାଙ୍କ ଏହି ଭୁତାଣୁ ସଂକ୍ରମଣ ଉପରେ ସତର୍କ ଦୃଷ୍ଟି ରଖିବା ଆବଶ୍ୟକ ।

ସୂଚନାଯୋଗ୍ୟ ଯେ, ସାରା ବିଶ୍ୱରେ କରୋନା ଭାଇରସ ମୃତ୍ୟୁସଂଖ୍ୟା ୨ ହଜାର ଟପିଯାଇଛି । କେବଳ ୬ ଟିକୁ ଛାଡ଼ିଦେଲେ ଅନ୍ୟ ସବୁ ମୃତ୍ୟୁ ଚୀନରେ ହୋଇଛି । ସେହିପରି ଏବେ ପ୍ରାୟ ୭୫ ହଜାର ଲୋକଙ୍କଠାରେ ଏହି ଭାଇରସ ଚିହ୍ନଟ ହୋଇଛି । ସେମାନଙ୍କ ମଧ୍ୟରୁ ପ୍ରାୟ ୭୪ ହଜାର ଚୀନରେ ଅଛନ୍ତି ।