#ଦେଶରେ_କରୋନା_ଆକ୍ରାନ୍ତଙ୍କ_ମୃତ୍ୟୁ_ସଂଖ୍ୟା_୬୮୧ ନୂଆଦିଲ୍ଲୀ : ମହାମାରୀ କରୋନା ର ପ୍ରଭାବ ସମଗ୍ର ବିଶ୍ବରେ ବୃଦ୍ଧି ପାଉଥିବା ବେଳେ ଭାରତରେ ମଧ୍ୟ ଅନୁରୂପ ଭାବେ ବଢିବାରେ ଲାଗିଛି । ଏପ୍ରିଲ୍ ୨୩ ତାରିଖ ସକାଳ ୮ଟା ସୁଦ୍ଧା ସମଗ୍ର ଦେଶରେ କରୋନା ଭାଇରସ୍ ଦ୍ୱାରା ୨୧୩୯୩ ଜଣ ଆକ୍ରାନ୍ତ ହୋଇଥିବା ସଂପର୍କରେ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ତରଫରୁ ସୂଚନା ଦିଆଯାଇଛି । ଆକ୍ରାନ୍ତଙ୍କ ମଧ୍ୟରୁ ୪୨୫୭ ଜଣ ସୁସ୍ଥ ହୋଇଛନ୍ତି ଏବଂ ସେମାନଙ୍କ ମଧ୍ୟରୁ ଜଣେ ଦେଶାନ୍ତର ଯାତ୍ରା କରିଛନ୍ତି । ଅବଶିଷ୍ଠ ୬୮୧ ଜଣ ଆକ୍ରାନ୍ତ ବ୍ୟକ୍ତିଙ୍କର ମୃତ୍ୟୁ ଘଟିଛି ।
ମୃତକଙ୍କ ମଧ୍ୟରେ ଆନ୍ଧ୍ରପ୍ରଦେଶରେ ୨୪ ଜଣ, ଆସାମରେ ୧ଜଣ, ବିହାରରେ ୨ ଜଣ, ଦିଲ୍ଲୀରେ ୪୮ ଜଣ, ଗୁଜରାଟରେ ୧୦୩ ଜଣ, ହରିୟାଣାରେ ୩ ଜଣ, ହିମାଚଳ ପ୍ରଦେଶରେ ୧ ଜଣ, ଜମ୍ମୁ ଓ କଶ୍ମୀ ରରେ ୫ ଜଣ, ଝାଡ଼ଖଣ୍ଡରେ ୩ ଜଣ, କର୍ଣ୍ଣାଟକରେ ୧୭ ଜଣ, କେରଳରେ ୩ ଜଣ, ମଧ୍ୟପ୍ରଦେଶରେ ୮୦ ଜଣ, ମହାରାଷ୍ଟ୍ରରେ ୨୬୯ ଜଣ, ମେଘାଳୟରେ ୧ ଜଣ, ଓଡ଼ିଶାରେ ୧ ଜଣ, ପଞ୍ଜାବରେ ୧୬ ଜଣ, ରାଜସ୍ଥାନରେ ୨୭ଜଣ, ତାମିଲନାଡୁରେ ୧୮ ଜଣ, ତେଲେଙ୍ଗାନାରେ ୨୩ ଜଣ, ଉତ୍ତରପ୍ରଦେଶରେ ୨୧ ଜଣ ଏବଂ ପଶ୍ଚମବଙ୍ଗରେ ୧୫ ଜଣ ଅଛନ୍ତି ।
